GNFC
ფესტივალები

ანიმაციური ფილმების საერთაშორისო ფესტივალი - თოფუზი - 31 01 2017
Slider Image

ანიმნაციური ფილმების საერთაშორისო ფესტივალი "თოფუზი", რომელიც ყოველწლიურად ოქტომბრის თვეში ქ.ბათუმში იმართება, უკვე 10 წლისაა. ფესტივალი 2007 წელს დაარსდა ანიმაციის განვითარების ფონდის მიერ, რომელიც არაკომერციული ორგანიზაციია და მის მთავარ მიზანს წარმოადგენს ანიმაციური ფილმწარმოების განვითარება საქართველოში და შემდეგ მისი ინტეგრაცია მსოფლიოში. მიზნის მისაღწევად ფონდი ფესტივალის ფარგლებში სხვადასხვა პროექტებს ანხორციელებს, ესენია: 

ანიმაციური ფილმების ფესტივალი "ექო-თოფუზი", რომელიც ტრადიციულად მთელი წლის განმავლობაში საქართველოს 20-ზე მეტ რეგიონში მოგზაურობს და ადგილობრივი ახალგაზრდებისთვის აწყობს ორ დღიან უახლესი ქართული და უცხოური ფილმების კინოჩვენებებს; 

ვორქშოპების ციკლი - "ანიმაცია ურთიერთობის მხატვრული ფორმა", მთელი წლის განმავლობაში ფონდის პროფესიონალი მხატვარ-ანიმატორები ქვეყნის მასშტაბით ატარებენ საგანმანათლებლო ვორქშოპებს და ბავშვების ჯგუფთან ერთან ქმნიან ანიმაციურ სკეჩებს, რომლებიც შემდგომ მონაწილეობას იღებენ ანიმაციური ფილმების საერთაშორისო ფესტივალ "თოფუზზე" საკონკურსო კატეგორიაში.

ვორქშოპები, მასტერკლასები, ფილმების ჩვენებები, პიტჩები, თოქ-შოუ რომლებიც იმართება ფესტივალ "თოფუზის" ფარგლებში, საუკეთესო შესაძლებლობაა ახალგაზრდებისთვის ახალი იდეების, ურთიერთბებისა და უნარების აღმოსაჩენად. "თოფუზი" რეგიონში ყველაზე მასშტაბური ანიმაციური ფილმების ფესტივალია, მასზე იკრიბებიან ანიმაციურ კინოში მოღვაწე პროფესიონალები მსოფლიოს სხვადასხვა ქვეყნებიდან, რომლებიც თავიანთ გამოცდილებას უზიარებენ ანიმაციის სასწავლო სტუდიების მოსწავლეებს. დღესდღეობით ანიმაციის სასწავლო სტუდიები საქართველოს 6 რეგიონში (თბილისში, ხულოში, თელავში, ზუგდიდში, გორსა და ფოთში) ფუნქციონირებს, მათ დაარსებას სწორედ ფესტივალ "თოფუზმა" დაუდო სათავე. 

ათი წლის განმავლობაში ფესტივალმა შეძლო და გაზარდა თავისი მასშტაბები, თუმცა ეს პროცესი დღემდე არ შეჩერებულა, რადგან ყოველწლიურად იზრდება ფესტივალში მონაწილეობის მსურველთა რაოდენობა მთელი მსოფლიოდან.

ანიმაციური ფილმების ფესტივალ "თოფუზის" დაარსების დღიდან მისი აქტიური მხარდამჭერია საქართველოს კულტურისა და ძეგლთა დაცვის სამინისტრო, საქართველოს კინემატოგრაფიის ეროვნული ცენტრი, ქ.ბათუმის მერია და აჭარის განათლების, კულტურისა და სპორტის სამინისტრო. 

აღსაღნიშნავია ისიც, რომ ფესტივალზე დასწრება ყველა მსურველისთვის არის უფასო განურჩევლად მათი სოციალურ-ეკონომიკური მდგომარეობისა.


Facebook Share
უკან